— རང་སྲོག་མེ་མཆོད་ལ་སྒྲོན་པའི་དཔའ་བོ་དཔའ་མོ་དག་གི་ཚབ་ཏུ།
གཟུངས་ཕྱུག་སྐྱིད།

བདག་གི་རྩྭ་ཐང་ད་དུང་ལྗང་མདོག་ཡིན་ནམ།
བདག་གི་མཚོ་མོ་ད་དུང་དྭངས་གཙང་ཡིན་ནམ།
བདག་གི་རི་ཆུར་ད་དུང་དབྱངས་རྟ་ཡོད་དམ།
ལྷ་ཆེན་གྱི་སྤྱན་ཟུང་ཡ།
ཁྱེད་ཀྱིས་གཟིགས་ཨེ་བྱུང་།

འཇིག་རྟེན་སྟེང་གི་ཁྲག་གི་འགུལ་སྐྱོད་ཡོད་ཚད།
འདི་ལྟར་ཚ་དྲོད་ཀྱིས་འབར་ཞིང་ཚ་དྲོད་ཀྱི་སྒུལ་ནུས་ན།
བདག་གི་རུས་རྐང་གི་ཟུངས་ཁྲག་འདི་སུ་ཡིས་འཇིབ་ཀྱིན་འདུག
བདག་གི་བྲང་གཞུང་གི་ཁྲག་རིས་དེ་སུ་ཡིས་གསུབ་ཀྱིན་འདུག

མིག་གིས་མཐོང་ས་ནས།
ཡབ་མེས་ཀྱི་དུར་ས་སུ་ཡིས་སྔོག་སོང་།
རྣ་བས་ཐོས་ས་ནས
ཡུམ་སྐད་ཀྱི་བླ་སྲོག་སུ་ཡིས་བཅད་སོང་།
བདག་གིས་ཇི་ལྟར་བཟོད་དམ།

ཤ་གཟུགས་ཀྱི་ལུས་པོ་འདི་སེམས་ཀྱིས་ཐེག་གྱིན་མི་འདུག
ན་ཟུག་གི་རྨ་ཁ་འདི་ཚོར་བས་ཁྱོག་གྱིན་མི་འདུག
ངོ་མ་ང་ལ་འདི་ལྟར་གནར་གཅོད་གཏོང་དོན་ཅི།

ཁ་སང་། རྨི་ལམ་ཁྲོད་བདག་གི་ཕ་གཞིས་ཇག་དམག་གི་གཏོར་སོང་།
དེ་རིང་། མཐོང་སྣང་ནས་བདག་གི་མ་ཡུམ་གཅེར་བུར་ཕུད་སོང་།
སང་ཉིན། མངོན་སུམ་འཛེམས་མེད་ཀྱིས།
བདག་གི་བུ་ཕྲུག་གི་ཀླད་རུས་དབྱིངས་སུ་གཏོར་ངེས་པས།
བདག་གིས་དངོས་ནས་བཟོད་ཀྱིན་མི་འདུག

བདག་གི་འདུ་ཤེས་ལས་གྲུབ་པའི་ནང་སེམས་ཀྱི་ཚོར་བ་འདི།
བདག་གི་རྨི་ལམ་ལས་རྙེད་པའི་མི་ཚེའི་ལམ་བུ་འདི།
འདི་ལྟར་ཕངས་མེད་དུ་འབར་འདོད།
མར་མེ་ལྟ་བུའི་རླབས་ཆེན་གྱི་འོད་སྣང་ཞིག་སེམས་ཀྱིས་སྦར་ཏེ།
རང་ལུས་རྐོང་བུ་གང་བོ་འདི་ལྟར་ཕངས་མེད་དུ་སྒྲོན་འདོད།

ངའི་སེམས་ཁོང་ནས་གཏན་དུ་ཡལ་མི་སྲིད་པའི་ཕུ་ནུ་མིང་སྲིང་ཚོ།
ངའི་དད་འདུན་ཁྲོད་ཡིད་ཆེས་ཀྱིས་འབར་བའི་ལྷ་དང་ལྷ་མོའི་ཚོགས།
ད་དུང་ངའི་སྙིང་དབུས་ན་བརྟན་བརླིང་གིས་འགྱིང་བའི་རི་ཆུའི་རྔམ་བརྗིད་ཡ།
ཡོད་ཚད་བདག་གི་རྣམ་ཤེས་ཀྱིས་མཐོ་རུ་འདེགས་བཞིན་བུད་འགྲོ
ཡོད་ཚད་བདག་གིས་འདུན་པ་ཡིས་རིང་བོར་བསྲིངས་བཞིན་བུད་འགྲོ

ད་ནས་བཟུང་། མེ་མདའ་ཁྲི་ཕྲག་གི་མདེའུ་ཆར་རྣོན་པོ་ང་ཁོ་ནར་གཏོད་རོགས།
གནར་གཅོད་ཚད་མེད་ཀྱི་རྡུང་རྡེག་ཡོད་ཚད་ང་ཁོ་ནར་གཏོང་རོགས།
ད་དུང་བཙན་དབང་དང་བཀའ་བརྒྱ་ཡོད་ཚད་ང་ཁོ་ནར་འཇོག་རོགས།
རྒྱུ་མཚན།
བདག་གིས་རང་ཉིད་ལ་མངའ་བའི་ཚེ་སྲོག་གི་རིན་ཐང་དུས་གཏན་དུ་ཁྱེད་ལ་ཕུལ་ཡོད།
བདག་གིས་རང་ཉིད་ཀྱིས་བསྒྲུབས་ནུས་པའི་འོས་འགན་ཞིག་ཁྱེད་ལ་མཐོ་རུ་བཏེགས་ཡོད།

ད་ནས་བཟུང་། ངའི་རིགས་བརྒྱུད་ཀྱི་ལྗང་མདོགས་ལ་གཅེས་སྤྲས་གནང་རོགས།
ངའི་དྭངས་གཙང་གི་ཁོར་ཡུག་ལ་བདག་ཉར་བགྱིས་རོགས།
ངའི་ཡུམ་སྐད་ཀྱི་བླ་སྲོག་ལ་མཐོང་ཆེན་གནང་རོགས།
ད་དུང་ངའི་གཉོམ་དུང་དུང་གི་སྤུན་ཟླ་ཡོད་ཚད་ལ་རང་དབང་སྤྲོད་རོགས།

འདི་ནི་ངའི་ཁྲག་གིས་བྲིས་པའི་ཁ་ཆེམས་ཀྱི་ཡིག་འབྲུ་ཡིན།
འདི་ནི་ང་རང་གཏན་དུ་འབར་དགོས་པའི་དགོས་དབང་དང་དམིགས་འདུན་ཡིན་པས།
ཅིས་ཀྱང་བསྒྲིབས་རོགས་ཀྱེ།
དད་འདུན་གྱི་ཀློང་ན་བཞུགས་པའི་ལྷ་དབང་གི་ནུས་མཐུ་ཡོད་ཚད་ཡ།
བདེ་སྡུག་གི་ཡུལ་ན་འཚོ་བའི་མིའི་རིགས་ཀྱི་འདུ་ཤེས་ཡོད་ཚད་ཡ།
བདག་གི་ཁ་སང་གི་འདས་དོན་ལ་གདུང་སེམས་བསྐྱེད་དང་།
བདག་གི་དེ་རིང་གི་ངོ་གདོང་ལ་བདེན་དཔང་གནོངས་དང་།
བདག་གི་སང་ཉིན་གྱི་ཁྱིམ་གཞིས་ལ་ཐུགས་ཁུར་བཞེས་དང་།

ང་རང་འདི་ལྟར་འོད་ཀྱི་ལམ་བུ་ནས་བདེན་དབང་གི་བགྲོད་བཞིན་ཡོད།
ང་རང་འདི་ལྟར་དོན་དངོས་ཀྱི་ངོ་གདོང་ན་སྐྱོ་ངལ་གྱིས་འབར་བཞིན་ཡོད།

ངུ་ངག་དང་གྱེས་གདུང་གིས་འཚོ་བའི་ཕུ་ནུ་མིང་སྲིང་ཚོ།
རང་དབང་དང་ཞི་བདེར་ཞོགས་པའི་འཛམ་གླིང་མི་མང་ཚོ།
ད་དུང་གཉའ་གནོན་དང་རྡུང་རྡེག་ལ་གོམས་པའི་དྲག་པོའི་སྲིད་གཞུང་ཡ།
བདག་ལ་དགོས་པ་དུས་གཏན་གྱི་ཞི་བདེ་དང་དགའ་འབོད་ཡིན།
བདག་གིས་འཚོལ་བ་འདྲ་མཉམ་དང་དོ་ཁུར་གྱི་འཚོ་གནས་ཡིན།
དགོས་འདུན་འདི་མ་ཚིམ་བར་དུ།
ང་འདི་ལྟར་ཡང་ཡང་འབར་ན་འདོད།
༢༠༡༢ལོའི་ཟླ་༢པའི་ཚེས་༢ཉིན།

Popularity: 7%

Related Posts on Rangzen Alliance

I Will Burn Myself Again and Again
On Behalf of Our heroic Self-Immolators

Sungshik Kyi  |  Saturday, Mar 24, 2012  |  No Comment

Translated by Om Gangthik — See Tibetan orginal Are my grasslands still green? Are my blue lakes still crystal clear? Do my hills and streams still sing their melodious songs? Great gods of Tibet, Do you still see them in ...

Beacons of resistance, not desperate acts

Christophe Besuchet  |  Saturday, Jan 28, 2012  |  6 Comments

I do not know if you are like me, but I find it extremely distressing to see how commonly the adjective “desperate” has been used by the media and Tibetans in exile to describe the ...

Self-immolations in Tibet: who is to blame for the stalemate?

Christophe Besuchet  |  Monday, Nov 12, 2012  |  6 Comments

Although the number of self-immolations is rising at an exponential and very disturbing rate in Tibet, the crisis is gradually reaching a stalemate. With no change in the horizon and less attention being paid by ...

Make it a burning issue

Jamyang Norbu  |  Tuesday, Nov 6, 2012  |  One Comment

Seventy Tibetans have, one after the other, in relentless and purposeful succession, set themselves on fire for the cause of their people’s freedom. If anything so heroic, selfless, spontaneous, non-instigated, and entirely non-violent* had happened ...

We Need to Change

Ogyen Kyab  |  Saturday, Apr 7, 2012  |  No Comment

This losar morning, I woke up early, without important works, I had never woken up this early. After an unusually comprehensive morning prayer-session of than an hour, daybreak was yet not around the ...

Tibet Burning: The Politics of Self Immolations

Topden Tsering  |  Monday, Apr 2, 2012  |  2 Comments

The string of self-immolations inside Tibet—started in 2009 by a Kirti Monastery monk Tapey and which most recently on March 30 claimed two monks in Barkham County—sees no sign of letting up. On the contrary, ...

Ngaba monk immolates self to mark 3 years since bloody crackdown

Phayul's Editor  |  Thursday, Mar 17, 2011  |  No Comment

By Kalsang Rinchen Dharamsala, March 16 – A Tibetan monk of Kirti monastery in Amdo Ngaba is reportedly dead after he set himself ablaze at a market near his monastery, according to a reliable source with ...