blogs

blogs

Enjoy a large variety of incisive and original opinions and analysis on Tibet’s political affairs, society, culture and arts.

book & film reviews

Original reviews of books, magazines, films and music relevant to Tibet’s struggle for independence.

cinema ’59

Discuss and organize screenings of films of freedom struggle and national liberation, and propose specific titles that inspire you.

news & events

Find out about past and forthcoming events, demonstrations, actions and conferences around the world.

videos & photos

Check the latest videos from a number of sharing websites and photos collections on Tibet’s struggle for independence.

བཙན་པོའི་བང་སོ་ནས་རྙེད་པའི་གཏམ།

avatarBy
Sunday, Sep 26, 2010
No Comment

སྤྱིར་ན་རྒྱལ་རབས་ལོ་རྒྱུས་ཤིག་ལ་མཚོན་ན་ཁྱེད་ཕམ་ང་རྒྱལ་གྱི་གནས་ཚུལ་འདི་རྒྱུན་ལྡན་ཞིག་ཡིན་དུ་སྲིད།  ལོ་རྒྱུས་ཀྱི་འགྲོས་དང་བསྟུན་ནས་ལྗང་མདོག་གི་ཕ་ས་གངས་ཅན་པའི་ལྗོངས་འདི་ལ་སྔོན་གྱི་ཚེ་ཟས་སུ་ཤིང་ཏོག་ཟ་ཞིག་གོས་སུ་ལོ་མ་གྱོན་པའི་དུས་ནས་བཟུང་ད་ལྟའི་བར་དུ་འགྲོ་བ་མྱི་ཞིག་ཡིན་པའི་དབང་གིས་བསམ་ཚུལ་དང་ལྟ་ཚུལ་བར་ནས་རྒྱལ་ཕམ་གྱི་འཐབ་འཛིང་གང་མང་ཞིག་བྱུང་དང་འབྱུང་བཞིན་ཡོད་པ་འདི་འཇིག་རྟེན་རྫུན་པའི་གཤིས་ལུགས་སུ་གྲུབ་པར་བརྗོད་ཆོག་ལ།   འདི་ནི་རྒྱལ་སྲས་བྱང་ཆུབ་སེམས་དཔའ་རྣམས་འཁོར་བར་སྐྱུག་ལོག་པའི་རྒྱུ་མཚན་ཡང་ཡིན་ཐལ།

སྟག་གི་མཆེ་བ་ནས་འཛིན་ཕོད་ཞིང་འབྲོང་གི་རྭ་རྩེ་ནས་འཇུས་མྱོང་བའི་བཙན་པོ་རྣམས་ཀྱི་སྐབས་སུ་བོད་རྒྱལ་ཁབ་ཆེན་པོས་ས་ཆེན་དབང་དུ་བསྡུས་ནས་རྒྱ་ལ་དགྲ་རུ་བཟུང་ནས་སྲིད་པའི་ཁྱོན་འདིར་ངར་སྐད་དང་སོ་སྒྲ་དུས་གཅིག་ལ་སྒྲོགས་པའི་སྐབས་སུ་ནག་པོ་དགྱ་ལ་མགོ་སྒུར་ན་ཝ་མོའི་ཞྭ་མོ་གཡོགས་ལ་ཁྱིམ་མི་ཡོངས་ལ་ཐལ་བ་དང་མཆིལ་མ་འཕེན་ཞིང་།   དགྲ་བོ་མགོ་སྐེ་བྲེག་ན་དཔའ་དར་འཐེན།  སྟག་དང་གཟིགས་སོགས་ཀྱི་གྱོན་པའི་གཟེངས་བསྟོད་སྟེར།  དེ་ལྟར་ངར་ཤུགས་བསྩལ་བའི་ནུས་སྟོབས་ཀྱིས་གསུམ་གཅིག་དབང་དུ་བསྡུས་པའི་བཙན་པོ་དག་གི་གཟི་ཤུགས་དམར་པོ་དགྱ་ཡིས་འགོག་མ་ཐུབ་པར་བདེན་པའི་ལོ་རྒྱུས་དེ་ཉིད་གོ་ལ་ཧྲིལ་བོའི་ཡང་རྩེ་ན་འཕགས་བཞིན་པ་གདོང་དམར་བ་དག་གིས་བརྗེད་ཡོད་མི་སྲིད།

ཆུ་ཆེན་གྱེན་དུ་མི་ཟློག་པ་དང་།  མེ་ལྕེ་ཐུར་དུ་འབར་མི་སྲིད་པའི་དཔེ་ལྟར།  བྲེ་སར་འབྲོང་གི་རང་གཤིས་ཁུར་བའི་བོད་པ་དང་གཡོ་ཅན་ཝ་མོའི་ངང་ཚུལ་འཛིན་པའི་དགྱ་ནག་གཉིས་མཉམ་དུ་གནས་འདོད་པ་ནི་དཔེར་མི་སྲིད་པ་ཞིག་རེད།  འདི་ནི་ལོ་རྒྱུས་བརྒྱ་ཡི་བདེན་གཏམ་དང་རིག་པ་སྟོང་གི་དཔྱོད་ལམ་ན་ལག་མཐིལ་གྱི་སྐྱུ་རུ་ར་ལྟར་གསལ་ལྷང་ངེར་མཐོང་ཐུབ།  མིག་གིས་དམར་རྗེན་རྗེན་མཐོང་བཞིན་དུ་སྦྲུལ་ཚང་དུ་འཛུལ་ནས་མྱི་རབས་རྗེས་མའི་ལས་དབང་དམར་གསོད་གཏོང་བའི་དབང་ཚད་ཅིག་ང་ཚོར་ནམ་ཡང་མེད་ཐལ།  དམར་པོ་གཞུང་གིས་རྒྱ་སྟག་གི་མཆེ་གཙིགས་ལྟར་རྣོ་བའི་ཧམ་སེམས་ཀྱིས་བདག་གི་ཤ་དང་རུས་རྒྱུད་གཅིག་པའི་སྤུན་ཟླ་ཚོའི་སྙིང་རྩེ་གཤགས་དུས་འུ་ཚོས་འབོད་སྐད་གསལ་བོ་རེ་འཛམ་གླིང་གི་ཡང་སྟེང་དུ་སྒྲོགས་པ་བདེན་ཀྱང་།   བཅོས་འཛུམ་དང་གཡོ་ཟོལ་ཅན་ཚོ་ཁྱེད་ཅག་གི་མིག་མདུན་དུ་འཁོར་འོང་དུས་ཡོད་ཚད་ཀྱི་ཡོད་ཚད་ལ་བསམ་གཞིགས་གཏོང་མི་ཐུབ་པ་ནི་རྗེ་གུང་ཐང་ཚང་གིས་

སྡུག་གྲོགས་ཡིན་ཞེས་རྭ་ཅན་མི་འབྱུང་ལ། །

སོ་དང་འཛུམ་དཀར་བསྟན་ནས་སླུ་བ་མང། །

ཞེས་པའི་དཔེ་ལྟར་དེང་སྐབས་གདོང་དམར་བའི་ལས་དབང་རྨེག་མེད་དུ་བཟོ་མཁན་ནི་གྲི་དང་མདེའུ་ཁུར་བའི་དགྱ་དམག་མ་ཡིན་པར་བཅོས་འཛུམ་གྱི་སྒོ་ནས་འུ་ཚོར་འཆམ་མཐུན་དང་འདྲ་མཉམ་གྱི་ལམ་ནས་ཞུ་འགུག་བྱེད་པའི་གཡོ་ཅན་དེ་དག་ཡིན་ཐལ། དེའི་ཕྱིར་བོད་པ་ཚོས་རིགས་ཞེན་ཁྲི་ལ་གནས་ལུགས་འབུམ་གྱིས་ཁ་སྐོང་ནས།  རྒྱང་རིང་གི་དམིགས་འདུན་གསར་བའི་འོད་སྣང་བློ་སྤོབས་དང་ངར་ཤུགས་ཀྱིས་འབོད་དགོས།  སྔོན་གྱི་ཚེ་འུ་ཚོའི་མི་ཐོག་གོང་མ་དག་གིས་བསྒྲུབས་ཟིན་པའི་གཟི་འོད་དེ་ང་ཚོའི་མི་ཐོག་འདིས་རྨེག་མེད་བཏང་ཚེ་ང་ཚོ་ནི་ལོ་རྒྱུས་ཀྱི་དགྲ་བོ་རེད་ལ།  བདེན་དོན་གྱི་གཤེད་མ་ཡང་རེད།   དེ་བས་ང་ཚོར་མི་རབས་སྔོན་མའི་བླ་མི་བཙོང་རྒྱུ་དང་མི་རབས་ཕྱི་མའི་མྱིག་མི་རྫོད་རྒྱུའི་འགན་དབང་ཡོད་ལ།  འགན་དབང་དེ་བསྒྲུབ་པའི་ནུས་ཤུགས་ཀྱང་ཡོད་ཐལ།  དེ་བས་རང་བཙན་ནི་ཡབ་མེས་དག་གི་ཤུལ་བཞགས་ན་གནས་པའི་སྙིང་གསོན་པོ་རེད་ལ།  རང་བཙན་ནི་མེས་པོ་ཚོས་ང་ཚོར་གནང་བའི་ལེགས་སྐྱེས་ཀྱང་ཅི་ལ་མིན།  ཡབ་མེས་ཀྱི་ཤུལ་བཞག་སྐྱོངས་མ་ཐུབ་ཚེ་འུ་ཚོ་གསོན་ན་དོན་སྙིང་ཅི་ཞིག་ཡོད།  ཡབ་མེས་ཚོའི་ཚེ་སྲོག་གིས་བཞེངས་པའི་བོད་རྒྱལ་ཁབ་དེ་ནི་ང་ཚོའི་འོད་སྟོང་འབར་བའི་སང་ཉིན་བསུ་བའི་འབོད་སྒྲ་རེད་ལ།  འུ་ཅག་ལ་ཡོད་ཚད་ཀྱི་ཡོད་ཚད་ཐོབ་སྲིད་པའི་སྐལ་བཟང་གི་མདུན་ལམ་ཡང་ཡིན་ཐལ།  མདོར་ན་ཁྲག་དམར་གྱིས་ཆུ་བོའི་ཁ་དོག་བསྒྱུར་ཀྱང་རོ་རུས་རི་ལྟར་སྤུངས་པའི་ལོ་ཟླ་དེའི་དངོས་ཡོད་བརྒྱུད་རིམ་དེ་ཡང་ང་ཚོའི་ལེན་མ་ཐུབ་པའི་རྒྱལ་ཁབ་འདིའི་ཆེད་རེད་ལ།  གསོན་པོར་མུ་གེ་མྱངས་ཤིང་ཤི་བོས་དུར་ཁྲོད་ན་ངུ་འབོད་བྱེད་བཞིན་པ་དག་ཀྱང་ང་ཚོས་བོར་བཞིན་པའི་རྒྱལ་ཁབ་འདིའི་ཆེད་དུ་རེད།  འགོ་རྒྱལ་བོ་དང་བླ་མ་ཚུན་ཆད་མཐའ་བསྐྲོད་དང་བཙོན་འཇུག་གནང་པ་སོགས་ཀྱང་མཐར་གཏུགས་ན་རྒྱལ་ཁབ་འདི་ཉིད་ཀྱི་ཆེད་དུ་ཡིན་པ་བརྗེད་མི་ཉན་བོད་པ་ཚོ།

ངའི་སྙིང་གི་ན་ཟུག་རེ་རེ་ཁྱེད་ཚོའི་མིག་མདུན་དུ་མངོན་མི་ཐུབ་ཀྱང་སེམས་ཁོང་གི་འབོད་སྒྲ་རེ་རེ་ཁྱེད་ཚོའི་སྙན་ལམ་ལ་ཅིས་ཀྱང་འབུལ་འདོད།  འདི་ནི་རང་ཉིད་གདོང་དམར་བ་ཞིག་གི་ཁྲག་རྒྱུན་ཡིན་པའི་ཚོར་བ་ལས་བྱུང་བའི་ངེས་ཤེས་ཤིག་ཡིན་ཐལ།  ཡང་ན་རང་ཉིད་རིགས་ཞེན་གྱི་མེ་ལྕེ་འབར་བའི་མི་བུ་ཞིག་ཡིན་པས་ཀྱང་སྲིད།

༢༠༡༠།༩།༡༩ ཉིན་སྙིང་འདར་བཞིན་ཐོལ་བྱུང་དུ་བྲིས།

Bookmark and Share

Leave a comment!

You must be logged in to post a comment.